摸錯地方

     BB白內障越來越嚴重，在家或出街總會撞到牆或圍欄，BB有時唔認得路回家，上樓梯有時唔識上，企定定要抱，想上床瞓卻認錯上床位置，對住個櫃不停叫抱佢上床

   年輕時BB甩毛嚴重，除頸以外，祇剩一層薄到見皮嘅毛，但今年卻長得豐盛，回復當年BB嘅毛，摸住BB身上變啡的毛毛，好開心好滿足，BB覺得你好可愛

人狗爭波

思行愛，多多愛，今次有對手

太多謝!!!!

BBB實在太了解我了，知道媽媽恨錢又貪錢，在黃金價格高企時，孝敬一下，一覺醒來實在太驚訝，你把黃金踏成金沙，媽媽好難攞去賣呀，床單不是保險箱，財不可露眼，BBB下次送金條會好d，易於收藏

BBB老了

轉眼BBB已十三歲，最近BB落街竟然忘記回家的路，見牠有點徬徨，第一次見到BBB唔識返家，我的心跟住徬徨，知道BB年長了，白內障加厚，境物更濛，BBB放心，不用怕，我們一定會讓你開心快樂

好幫手

思行：同婆婆飲茶代價，要幫手攞餸

第一次見面

今天我己兩個月多dd，身體未完全發展良好，提早來見識這花花世界，我的到臨令到媽媽、婆婆倒瀉籮蟹，擾攘了兩個月,總算平安渡過一關又一關，上星期剛做完手術，康復進度也理想，昨天帶我去磅豬仔，姑娘姐姐話：相比足月BB係中碼B，對早產BB來說是大碼B，媽媽婆婆聽到當然係開心到暈低

講咗咁耐都未自我介紹，我是思行哥哥嘅細佬......思言，呢張相是我在醫院留醫時嘅靚仔相，當時仍有面黃，插滿全身喉管剛拔走

思行哥哥好鍚我，成日鍚我面珠仔，當然有時唔覺意會抓損面仔啦，不過我唔會嬲架，因為哥哥係太肉緊

bb多多舅父一樣好鍚我，祇會瞓在我身邊唔會咬我，多多舅父成日想kiss我，婆婆話等我再大d先比多多舅父同我kiss

再同大家say hi，婆婆以後唔會咁懶，成日唔上網同大家見面

爭竇

多多見BB行開，第一時間入主，BB不停叫多多走

多多望住我，想出手相助，BB成功爭取，坐番個主席位
BB：我幾十歲比多多激到氣咳

回復正常

早前部電腦物似主人，又shortshort地，上載唔到相，到今日終於病好了，希望好快再跟大家分享我小小生活點滴
        

【香港電視網上首播】警界線 第一集 (一氣呵成版)

小插曲

話說去長州那天抱住思行影相，影吓影吓向後退一步.....抝柴

長州一日遊

秋意漸濃，早晚天氣有點涼意，很久沒帶思行出外走動，趁這好天氣出發啦

思行：EE，我會扶實扶手

點解升降機咁耐未到

目的地......長州

買了兩份玩具比思行，在市區好難見到這些懷舊玩具，思行識得用玩具杯餵DUFFY飲水，自己又扮食嘢，玩具好便宜但又給思行好多思想、創作空間，

睇到呢條人龍真係嚇死，大女話每次嚟都見到一條人龍，呢個為食女當然係人龍其中一份子，同妹妹，妹夫食得津津有味，還買了一大盒回家

各位見到太太嗎？

我選擇買好味雪條

見到人家手拿美味零食，唐突請她們給我拍照

得到回應：無問題

太太幾時做咗區譏員，這黨派我唔like

思行愛望海，但既怕海水又怕沙，腳不掂沙手不沾水

想來日後教你游水頗費思量

扶住欄杆好得戚，好開心嘅小朋友

途經寵物店，五隻貓貓齊齊食糧糧

落日下的長州，影唔到個蛋黃祇得餘暉

婆婆，我地咁快搭車返歸啦

同悼

今早還懂叫我起床，一早起來還和你溫馨一番，但當帶完寶貝

仔落街回家，你就一睡不起，用心肺復甦法都不能把你救活過

來，你知你對我來說何等重要，天下大事，與親友聯繫，都

全憑你，跟你一起不夠兩年，你大病一場要送院急救，小病更

無數次，自古英雄氣短，在此同悼........三星阿叔

窩心告示

         兒時曾這樣幻想過，如果祇需食一粒丸仔就可飽肚，不用花時間買菜，回來還要洗切、預備，之後要清潔，功夫一大籮

         自問是一個不稱職C9，通常煮餸都會煮上一大堆，可分多一餐，慳燃料費之餘還省回不少時間，我是否好聰明呢~~~~

          女兒出差前在雪櫃門出了兩張告示

小心報應

接二連工有虐貓事件，呢d係咩人，自己切到手指都痛到死，活生生扯斷隻手仔，睇到文字都心寒，唔好話自己去感受這種<痛>，拉到呢d人可以以手還手，比佢感受吓，治畜牲用重典，用畜牲都抬高了這些衰人

【太陽報專訊】【本報訊】可憐小貓疑遇冷血貓殺手，前腿慘遭「監生」扯甩虐殺。葵涌一隻數月大的短毛貓，昨晨被途人發現伏屍荔景山路一條小徑，右前腿不知所蹤。警方及愛護動物協會人員其後於五十米外的停車場檢獲斷肢，正調查小貓死因。

50米外尋獲斷肢

現場是荔景天主教中學對開小徑，昨晨十一時許，一名姓陳（二十四歲）女子行經上址，發現一隻小貓伏屍路邊，其右前腿不翼而飛，肚破腸流，報警求助。警員及愛協人員到場調查，在五十米外的露天停車場，發現相信屬小貓的斷肢，初步估計是遭貓殺手強行扯甩。愛協人員初步在小貓的右前腿、左前腿及右邊腹部發現傷口，事後把貓屍檢走。警方則列虐待動物案處理，暫無人被捕。

早前被人斬去腳仔的麗麗，跟死神擦身而過，幸好麗麗生命力頑強，手術後逐漸康復中，點解要佢地受這種不必要嘅痛苦？

以下新聞轉載於東方日報

小貓麗麗視頻 小手輕握 (11:35)

被斬腳小貓麗麗鬥志頑強，非牟利獸醫診所執行主席麥志豪今早上載一段視頻，麗麗小手搖動，網民齊喊加油。

麥志豪今早在個人臉書上，上載這段視頻（小貓麗麗），麗麗的傷口已用紅布包，看似一條紅蘿蔔，懂得用小手略回應。麥志豪寫道：「這是人生經歷過最感動作一刻。麗麗識得『猜猜』，雖然只是短短的一兩下，但這『世紀一猜』，已足以觸動全城的惻隱。麗麗，你的康復，是屬於大家的。」僅有4個月大的麗麗是周一(26日)在荃灣被人發現，當時牠其中一隻腳已遭人殘酷切斷，估計麗麗當時早在一周前已遭人截肢，負傷依靠僅餘的3條腿蹣跚在山邊掙扎求存，被人發現後送到診所。因為麗麗年紀太小，長期失血、脫水之下，身體十分虛弱，不排除傷口受到感染，情不太樂觀。牠的情況引來不少網民關心，麥志豪今早的視頻貼出一個多小時，已有600個like，百多人轉發，大家都希望為小麗麗加油。多個愛護動物團體已經報案，警方把案列作「殘酷對待動物」處理，暫無人被捕。

                     一頭頭活潑可愛小動物，

點解有人可以獸心病狂，

建議呢d人兄自割自斬，我唔會阻止你架

齊齊搵周公

d....r....m....

123

排好隊