為食狗狗

    昨日冒着黃雨帶BB覆診，剛到診所是紅雨，見完醫生已是黑雨，儘管我同joyce都由頭濕到落腳，不過仍覺值得，因為BB眼潰瘍進展好好，不用做手術，那份喜悅已蓋過一切。
     回家叫了點外賣pizza，一家幾口又開開心心高談闊論，但話題總離不開兩頭小魔怪，先看看大公子，稍稍精神一點便向我們討吃

看看BB聚精會神望着yuki手中食物；BB：姐姐點解你有得食，我無得食嘅?又話鍚我!

坐喺度都係無份，我不如走近一點，可能有機會喎

再望一望多多，多多；走到兩位姐姐中間，機會多一半啦

呢個曵姐姐重用雞骨引BB，真係要比媽媽打

媽媽；你兩個不能放肆，哥哥稍為好一點，唔准為食
姐姐：我係最錫你架，等我比你食啦，不過係狗零食，睇吓bb多多幾雀躍

    BBB這份開心快樂就是無價寶，愿天下動物都開心快樂，自由自在任馳騁

快樂王子返嚟啦 :)

    今日我又跟媽媽返工啦!!!媽媽重帶埋姐姐件舊衫比我墊坐。媽媽話喺陌生地方有D熟人嘅氣味會有多D安全感喎

   等媽媽放工就會帶我見醫生，醫生叔叔好好，佢話睇我食咗D藥是否有良好反應，所以咁密去見佢喎，嘻嘻~~~如果不用診金就好囉

我係咪靚仔番好多呢?<損>咗嘅皮膚開始結<焦>，媽媽開心到暈，不停讚我叻，不停喺我耳邊嘮嘮叨叨，真係好煩呀。

姐姐一返屋企就走埋嚟錫我。攪到細佬多多呷醋，成日<胡>我，

今朝我又咬爛咗條狗帶，媽媽無鬧我，重新修補成為新狗帶，嘻嘻~~唔怪得媽媽話小病是福，對我來說更是一道免死金牌，哈哈哈哈

 

BB 祇願你開心活著

   BB由小到大都有皮膚敏感，找不到致敏原因，做過測試，有說塵蟎，有說食物，各方面自己都覺得做防禦功夫足夠，(是自己個人認為，可能並不足夠)，但仍然是敏感，瞓得好端端，突然又會痕得bb要死，不斷抓痕不斷發出哀嗚聲，令人聽到心酸

  星期六洗完白白，又痕得要命，玉奇用盡方法引開bb注意力，才令bb稍稍安靜，小睡片刻zzzz

這幾天抓得眼仔週圍都<損>了，(其實一直都有抓損，不過近幾日嚴重多一點點)一道道的血痕，眼膠佈滿，每晚就抱住bb由睡房走到廳，再由廳回房，不停為bb輕搓，見到他真的好心痛，為他難受。昨日帶埋bb一齊返工，提早收工帶bb睇醫生，因為醫生6點便要下班，希望醫生能夠幫到bb減輕一點痕痕

歲月不饒狗，咀邊烏黑黑的毛已變為斑白

   醫生說bb眼睛發炎，有潰瘍，星期四要再覆診，如情況沒有改善,有可能要做手術。  

   公司客戶都說我把你留住活受罪，但我相信你生命力強，意志力都強，我亦無權剝奪你的生存權利。

   bb不要你長壽，祇要你生活得開心，祇願你健健康康。開開心心。快快樂樂

多多睡相

   上星期日(27/6)一整天落雨，沒有帶BB&多多去街，在家同多多玩得累了，多多倒在梳化上，眼瞓到沒有反應。

 

偷得浮生半晚閒

        近日婆婆身體抱恙，在我家小住了一段時間，昨天打道回自己的家稍為執拾，我亦樂得有一晚小休。哉時知道媽媽近日忙得不亦樂乎。工作，家庭都備受壓力，昨晚就陪媽媽去睇一套3D動畫，值以舒緩疲累身心，戲院內不時傳出孩童天真爛漫的笑聲，發自內心，毫無機心，自己亦感受到這份喜悅，暫把重重的心放下。

        四年一次的世界波，愛看足球是不容錯過，但像我不懂足球，對我來說是一樣的過每一天，不過在商場內卻感受到這份參與，見到一大班人，每有入球或緊張之處都發出一陣起哄，自己也不其然跟他們一起緊張，開心大笑

       我們一行四人，到商場food court食了一點甜品，聽聽外面球迷起哄聲，把自已代入這份歡樂，享受一家人歡聚時光