如臨大敵...似匪夷所思,但絕無半點誇張作大,今早跟阿娘說起,她心情凝重,不想這些年心血化為烏有,家是搬了,但有種不似家感覺,想執拾不知從何入手,這感覺我感受過,當日yahoo說輕鬆搬家,以為真的輕鬆自在,(是我太天真),備份後才知自己甚麼都不懂,從學識用電腦那天起,一直用yahoo,眼前祇有這一片天,簡直是井底之蛙,那段時間,寢食難安, 我的網誌沒甚麼特別,寫得不好,祇是bb多多和自己一些記憶,如一旦沒了,肯定好傷心難過,到那刻才發覺自己捨不得自己那無聊網誌,有些人話我好傻:"無咗,咪再寫過囉",他們沒我那份感覺,所以好難感受到我那份不捨和難過,blog就如我們嘅貓狗寶貝一樣,是好難替代
yahoo升呢後,好多網友棄虎愛面書,但那感覺不一樣,少了份親切,就如身邊過客,過眼雲煙,yahoo...對你既愛且恨,你讓我在這片天認識一班朋友仔,大家談貓說狗,講講自家煮意,說說花兒事,友誼在不知不覺間建立,雖互不認識但又談得合意
搬家..好多網友好有心,自己完成搬家,將心得寫上,讓大家分享,對我來說,那些字和程序,像天外文字一樣,它們認識我,但我絕不認識它,大叫:"好痛苦",今早阿娘所說的,完全感同身受,不過我已安全到彼岸,今天....雖仍在摸索中,但最起碼~~~我的家完整無缺,當我遇到網友亦有此煩惱,我會安慰她:"不用怕",雅虎就是讓我們有緣遇上,遇到無私嘅有心人,我嘅blog都是假手於人,以下一條link,大家可以入去看看,有很多篇解說如何搬家,亦有介紹其他有心網友搬blog程序,真的希望大家順利搬家,到時又可樂聚說笑事
:a 係咪打上面字公仔會出?
回覆刪除搬左就好啦!
係呀,你個回應有公仔:o
刪除我同事同我講,冇咗個blog咪由佢囉,啲嘢遲早都會冇.我回佢話,你遲早都會死,你由今日起唔好食嘢,費事浪癈:k
回覆刪除條友仔電腦好叻,當初知道要搬家,咪多口問吓佢囉,佢講咗一大餐,叫我做咗傋份先,我話返屋企先慢慢做,佢話而家做啦,公司部機又咁快,比佢追兩追,按咗傋份,返到屋企先知個blog立即冰封,激到我屎,第日返去鬧佢,佢就同我講咗上面堆嘢,我咪醒佢囉:g
刪除搞到我想喺老虎講多句嘢都唔得,不過算啦,錯有錯著,所以我搬得咁快.
刪除真係錯有錯著,唔係比佢催一催,你未咁快做白老鼠,哈哈~~~我要多謝呢位同事先啱,好多事都係當事人才有這感受
刪除小吉你同事冇養過小動物定喇
刪除我仲未傋份就係驚整得唔好會冇左仔仔女女d相
佢話佢以前有養喎.
刪除可能係養小強:q
刪除樹獺答得妙
刪除佢養過貓同乙烏龜ga,家陣佢係係大叔一個,係咁ga哪,屎老嘢:e
刪除樹獺我都係咁話,最初我想試試自己攪,點知去到雲端就攪唔掂,當時心情好低落,真係食唔落飯,瞓唔到,所以真係當事人才有這感覺,外人係唔理解,所以話我地係好傻,幸好有小吉幫了這個大忙,哈哈!!!!所以這裏是傻人俱樂部:s
回覆刪除傻人俱樂部....:t
刪除BB多多媽講晒我的心聲,我始終認為 blog 冇其他東西可替代的。一定要留番,這是自己的心思,感想,回憶(不論愉快或悲哀),很多很多,一篇也不能少,尤其是年紀大了,記憶愈來愈差,有時真的需要重温每一篇,怎可以冇左就算?真感謝你和小吉不厭其煩幫手讓我得以保留所有。:b
回覆刪除BB多多媽你個新 blog 做得好成功好靚呵。
真係好感激小吉無私幫忙,這裏一 點一滴都是小吉嘅心血
回覆刪除今日無聊睇番舊BLOG,原來好多曾經發生過嘅事,我都忘記了,這裏確實有好多回憶